A great place all Arakanese can meet!!!

အသက်ထက်ချစ်ကေလေ့

စမ်းရီစီးသံ ညင်ညင်
ထိုမြောင်တကြော
တောင်ဂျိုင်ကြားက
ရိုးတံပြိုင်းပြိုင်
ရွက်ကြွီတောမာ
ဥသြချေအော်တွန်
ဂြိုးချေကူဗျာယ်
်ဟောင်းရွက်အိုတိ
သူ့ပင်ခြီမြီမာလူးရေ
ချိန်ရာသီခါနွီဦးမာ
ထိုးအဝီးက
ပြင်လယ်ဂေါင်က
ိုကြည်လိုက်တေဆို
" တောက " လို့ဖုံထူ
လဗွီထလို့လီပူတိုက်ကေ
ချွှေးသွန်လလူးမောင်ရင်ခွင်မာ
နီအညို လီချိုမလာခင်
ရီချေတခွက် ယပ်ချေတလက်နန့်
မင်းနီနိုင်ပါဖို့လား ... ။

နှင်းမှုန်ချေဝီဝီ ဟေမန်ချိန်ခါ
သဇင်သင်းလို့ မညင်းပွင့်ဝါ
မျက်စိတဆုံးကြည်မဆုံးနန့်
နတ်တော်ပြာသို ပန်းခွါညိုရို့
နှင်းရည်လူးရေ ချိန်ရာသီ
မြောက်ပြန်လီ ဆောင်းလီကအမြူး
လင်းကြက်တွန်ရောင်နီဦးမာ
ခဲဝါကအူ
အီးစက်ချမ်းလို့ဗြန်းဗြန်းတုံကေ
ကိုယ့်ရင်ခွင်ဝင်ဗျာယ်တိုး
ထွီးဖက်လို့ထားကေလေ့
အော် ကိုယ်ငွေ့လှုံလို့
မင်း နွီးနိုင်ပါဖို့လား... ။

ရွန်းဗေါက်ဆိုရေ
တောင်လီကတင်
မိုးဦးဝင်ကေ
အာကာတခွင်
မှိုင်းညို့ညို့ဆင်ရေခါ
လီမလုံရေထရံပေါက်နန့်
ခေါင်ဘုတ်ကမိုးတိယို
အိမ်အိုချေ ယိုင်တိုင်တိုင်က
လီယူရာထိုဒေယိမ်းဗဏာ
မိုးယိုလီရာခွက်ခံယင်းနန့်
ကြုံလာရေမိုးလင်းရက်တိ
မင်း ပျော်နိုင်ပါဖို့လား .....။

အသည်းနင့်အောင်
်ချစ်ခရကေလေ့
ဒေဘဝတွင်းနက်ထဲကို
ဆွဲချလို့မခေါ်ရက်ပါ
ကိုယ့်အသည်းဟက်တက်ကွဲပတ်စီ
မင်းဘဝအီးချမ်ဖို့ရာဆို ထားခလီပါ
ရင်းအကွဲခံပီးဆပ်ဝံ့ရေ လူပါရာ ..... ။